Bursada avtomobil sürücüsü ilə avtobus sürücüsü arasında yol vermə üstündə mübahisə yaşanıb.
Sonxeber.az türk mediasına istinadən xəbər verir ki, hadisə iddiaya görə, avtomobil sürücüsünün əks istiqamətə daxil olması ilə başlayıb. Öz zolağında hərəkət edən avtobus sürücüsü yol vermədikdə tərəflər arasında mübahisə düşüb.
Avtomobil sürücüsü maşından düşərək avtobus sürücüsünə nalayiq ifadələr işlədib. Qısa müddətdə gərginləşən vəziyyət ətrafdakı vətəndaşların müdaxiləsi ilə sakitləşdirilib.
Hadisə anı mobil telefon kamerası ilə qeydə alınıb.
Mənbə: https://sonxeber.az